Кесиб гьалдиз тагуз къимет,
Гузва вуна даим зиллет,
Садбуруз мал,бегьер,девлет
Кесибдиз-дар лакьан,дуьнья?
Халкьдиз вуна гузва вафат,
Ч1уру яз ви тартиб,суфат,
Яргъаз хьухь вун,завай къакъат,
К1андач заз жез са къван,дуьнья.
Элдиз вун лап хьанва так1ан,
Къакъуд мийир чавай Ватан
Ви гуьгъуьна аван шайт1ан,
Гьахъвал мус хьуй,я чан дуьнья?
Пул авайдахъ агатна вун
Зерре саймиш ийизвач чун,
Ваз чир хьухь,зани ваз лугьун:
ВАЛЛАГЬ,вун я шайт1ан,дуьнья.