Къван хьухь шехьна, дуьнья агъу, зиндан я,
Девлетлудаз женнет хьтин бустан я,
Фана дуьнья, асланар къе пашман я,
Чакъалрини шадвалзава винел ви!
Фана дуьнья, таб, гьелле къе ширин я,
Чун гадариз к1анзвай фур дерин я,
Амма килиг халкьар гьикьван секин я,
Кьуьлуьз-хъуьрез кьегьалар я винел ви.
Дуьнья килиг, муьгьуьбат куьз элкъвезва,
Инсандин рик1 гьарамрихъ тик экъвезва,
Ичкидин ни сивихъай къвез хъуьрезва,
Намус, гъейрет аламат1а винел ви?
Чирвилерин багъдикай сад, ктаб я,
Къе инсандиз ам ахъаюн азаб я,
Я халкь патал рахадач мез, к1араб я,
Гикьван дуьнья, чун зайиф хьуй винел ви?
Гьажи Давуд, Мегьамед аль Ярагъи,
Рик1ел хкин, мет1ерилай къарагъин,
Ша веледриз милли бегьер агагъин,
Ахпа дуьнья, намус жеда винел ви.