КъакIо, къакIо синэфын къыздашъу,
КъакIо, къакIо сишIулъэгъу IэшIу.
Мы орэдэу чэфым, сызэрехь,
КъакIо хым иорэу къыздытехь.
Пчэгум къихьи тыкъызэдэгъашъу,
Узыслъэгъурэм сыгу о огъэмашIу.
УкъэIаби сирэхьат степхыгъ,
КIапсэр кIакоу, сыгу угу еппхыгъ.
О уадэжь сэ бэрэ сыкъэплъагъ,
Укъэмыплъэу, сыгу бэ щыбгъэшIагъ.
Джы къэсыгъэшъ уикъэшъон чэзыу,
Мо къытехьи сиорэд къежъыу.
Сыгу урехьы сыгу о ухэпкIагъ;
Жьыкоренэу пчэгум сыкъипкIагъ.
Сэ сызыфаеу джы о узгъэпчын,
Узгъотыгъэшъ усIэкIэмыкIын.
КъакIо, къакIо синэфын къыздашъу,
КъакIо, къакIо сишIулъэгъу IэшIу:
Къэшъо чIыпIэм, сыгу о щыостын,
КъыскIэнэнышъ мыщ сэ сыщыстын.