Сезыгъэджагъэу Шэуджэн Сарэ, Хьамзэты ыпхъу фэгъахьыгъ.
О тебгъэджагъ, акъыл тиIэнэу,
О тыбгъэсагъ тышIыкIэшIонэу.
О плъэкI къэнагъэп, о учъыягъэп,
Щытхъур уадэжь! Ар джэрпэджэжь.
***
О къысфэгъэгъу, угу хэзгъэкIыгъэмэ,
Узэрэфаеу сымыпсэугъэмэ.
Мыхъун - Iаджи сэ сIэкIэшIагъ,
Сэ сыкIэлагъ - сыбзэджагъ.
Сыгу къэкIыжьы унэ гукIэгъухэр,
Сыгу икIыжьрэп уипсэлъэ фабэхэр.
Тянэ уфэдэу тызэбгъэплъыгъ,
Угу къыхэпхыгъ-Iахь къытэптыгъ.
СищыIэныгъэ сэ сыфэраз,
Сэ сыпIукIагъ, себгъэджагъ.
Насыпэу сиIэм сэ сырыраз,
Ащ сыфэпщагъ, сепщэлIагъ.
О тэбгъэшIагъ тыцIыф-зэфэнэу,
УтфэлъэIуагъ насып тиIэнэу;
О плъэкI къэнагъэп, о учъыягъэп
КIэлэегъадж, сыпфэразэу сыпфадж!