КIалэхэр мэджэгух,
Урамыр куохьау;
Бырысырыщ, шъумыджэгух
ЯсымыIон ащ - хьау.
КъэрэпкIэх, къарэчъахьых,
Пкъым икIас.
Тинахьыжъхэр шъумыгубжых -
ЗыжъугъэIас.
Гур уцуна ар мэпшIапшIэ,
Лъыр зэреф.
Ащ итхъагъо, ащ ипIашъэ
Iум зэреф.
Сыдэу тхъагъуа зэхэпхыныр,
КIэлэ джэгу,
Мамыр чIыгум тытетыныр -
Ар тынэгу.
КъэкIосэтых, къэIэсэтых,
Зэ зыIаж.
Чэщыр къэхъумэ гъолъыжьытых,
Ащ о яж.
Нэфыр къэшъмэ къежьэжьыных -
Ащ сыфай.
Къэхъу пэтых, мэкъэ чаных -
КIэлэцIыкIухэр джэгун фай.