Къэхъугъэр сшIэрэп, укъысэплъыжьрэп,
Сыбгъэ зэIуехьэ, жьы къысфэщэжьрэп.
ЦIыфы къышIэнэп сыгу ихъыкIырэр,
О бгурыIонэп къинэу скIэхэкIырэр.
***
Пчъэ макъэ бгъэIоу, о укъихьажьрэп,
ШIу о сыплъэгъоу зыджи къэпIожьырэп;
Гопэгъум сехьы, сIупэ гъупагъэу,
Онтэгъу сэхъу, спкъыхэр лэнлагъэу.
Хъотэу къысфилъэу гугъур къысфакIо,
Ощхы чэфынчъэу нэпсыр къысшIуакIо.
Бгъэм дэмызагъэу сыгу мэлъэкъуао,
Нэпкъым тефагъэ жьы щыкIэ паргоу.
Чэщы мычъыем сыригъэзыгъэу,
Нэфыр къэшъыфэ къиным сыхэтэу,
Сшъхьэ зэкIокIыным сэ сынэсыгъэу,
Сегупшысэ, сэгугъэ къэбгъэзэжьынэу.