Мыщ фэдэу гупсэу сэ ныбжьи слъэгъугъэп,
Чыли, къали сэ сыIукIагъэп;
Сыгу хэмыкIыжьэу, сэ чылэу сиIагъэр,
Iэ шIыгъэ хычIэм, сикIасэу чIихьагъэр.
Сыгу имыкIыжьэу, а чылэ дэхагъэр,
СигъэучъыIатэу, псыхъоу Iутыгъэр:
Дунае мылъкIукIи, сэ сфэхъожьынэп,
ГъашIэу сиIэтым ар сщыгъупшэнэп.
***
Къэзэныкъуай, Къэзэныкъуай,
Сыгу ухэпкIагъ, спсэ о къыпфай.
Къэзэныкъуай, Къэзэныкъуай,
Псэкъупсэ къаджэ, сэ ащ сыфай.
Къэзэныкъуай, Къэзэныкъуай,
Сыгу иорэд ащ сегъэбай.
Къэзэныкъуай, Къэзэныкъуай,
Сэ сщыгъупшэщтэп, ар джащ пай.
***
Къэзэныкъуае джы сэ сыкIонэп,
Ащ иурамымэ сэ сатехьанэп,
Псыхъоу Псэкъупсэ зыщызгъэпкIынэп,
Чъыг- иныжъ -жьаумэ, сэ сачIэсынэп.
Сыгу къэкIыжьы, а чылэу сиIагъэр,
Сыгу икIыжьрэп цIыфэу дэсыгъэр.
Сыгу ипсэфыпIэу чылэу сиягъэр,
Джы сэ сиIэжьэп, а сигупсагъэр.