Байихрилай кар алудиз,
Эхиз тежер т1ал агудиз,
Ашкъидикай зун галудиз,
Ик1 деринра твамир вуна.
Хар ракъурна зи сувариз,
Руьк1уьт1 ямир на къавариз,
КIанда лугьуз алцурариз,
Зун авамдай къамир вуна.
Гапур эхдай хур я зи руьгь,
КIанивилин кур я зи руьгь,
Гуьлуьшан тир ч1ур я зи руьгь,
Ша, къалгъанар цамир вуна.
Ингье мадни атанва йиф,
Жак1умрикай ийиз кьекьиф.
И гьиссерин тушни гьайиф?
Зи рик1 икьван хамир вуна…
31.10.2013.