Тиныбджэгъухэу Джамырзэ Алыирэ,
Сусанэрэ яунагъо фэсэгъахьы.
ТилъапIэхэу, ныбджэгъу кIасэх,
ШIу тлъэгъухэу, тызыгъэразэх.
Гопэгъум ахэр псы папкIэх,
ГоIэгъум, пкъэу кIэфылъыкIых.
Ос фыжьэу яIуплъэхэр къабзэх,
Хьаку жъокоу агухэр фабэх.
ШIу шIагъэр псым хадзэ агу пыкIэу,
Къин лъэгъур бдагощы агу хэкIэу.
ЦIыф шъыпкъэх мыхэр, цIыф зафэх:
ШIу шIак1охэу ягугъухэр зэрахьэх;
Къэлъагъох, псынкIэу бгъотытых;
Къэнэфых, нэфылъэу къэлыдых.
ЛIыбэу шъхьэгъусэр, гупытэу,
Игъусэ зэщакIоу, ны гупкIэу,
Шъэуищыр къушъхьищэу, нэтIэфхэу,
ЗэкIужьы унагъор зэкъотхэу.
ТигъашIэ тэ тыфэразэу,
ТэIо, тэгушIо тыгу разэу:
ТилъапIэхэу ныбджэгъу кIасэх,
ШIу тлъэгъухэу тызыгъэразэх!
Тигъогухэр зэхахьэх, зэдакIох,
НахьышIум тыгугъэу тыфакIох.
Цахь шъуфэтшIэу, тыжъудакIо тыжъуготэу,
ТикIо жъугъэпсынкIэу, шъуткъотэу.