Бэрэ сежагъ ащ, сэ къысфэкIонышъ,
Ш1улъэгъу IэшIоу гум имыкIыжьэу,
Жъогъо лыд-пкIыдэу зыкъысфихьынэу.
Ошъо шIуцIэшхор зэкъоужьынышъ,
Тыгъэ нэбзыеу къысфепсыжьынэу.
Гур лъэпэ-рапэу лъэшэу къытео,
Ар къэсыгъахэу, ащ къысшIуегъэшIы.
Тыгъэ нэбзыеу ар къысфэшIэты,
Ау, псынкIэу шIэтыр егъэбылъыжьы,
Пщэр къытехьагъэу къэушуцIыжьы.
Тыдэ ущыIа, сэ сишIулъэгъу:
Пщэмэ уахэкIи, огум уикIыгъа?
Ч1ыр зэгоути, ащ удэфагъа?
Мэзы кIырышхом ущыгъощагъа?
Хы шIуцIэ чIэгъым ущымэхыгъа?
Лъэшэу къытео, гур лъэпэ-рапэу,
Ар мэгузажъо гугъэм фэкIуагъэу.
Зегъэхьазыры бгъэм къыкIэнэнэу:
Стыпхъэр хьазырэу о сыкъыуажэ,
Гур зэIупкIагъэу о сыкъыуаджэ.
Мо зэ о къэси, сэ къыскIэнэнышъ,-
МэшIо фэбэшхоу о сыуиIэн.
Тыгъэ нэбзыеу, мэфэ нэфынэу,
ШIулъэгъу IэшIур о къыбдэзгощэу,
Уашъхьагъы ситэу сыбдыщыIэн.