Сэ сыфаеп нагъоу нитIур,
Къысфэнэфэу, а жъогъуитIур,
РеплъэкIыныр къысэмыплъэу.
Сэ сыфаеп гур мэгугъэшъ:
Пщэ нэхацэр къытехьанышъ,
Ошъо шгъуантIэр кIодыжьынышъ,
Сыгоу стырэр кIосэжьынэу.
Гуапэу сиIэр згъэIэсэнэу,
Сыкъыплъэсы о упсыхъоу;
Усичъыгэу, жьау щысыпIэу,
СыкъыокIу сыгу псэфынэу.
Ащ уемыплъэу сэ къысэплъ,
СишIулъэгъоу сипсэ IэшIу.
ШIу олъэгъу ар къысшIошIы,
«Хьау!» - о къаIуи сыгу гъэпсэф.
Сыгу сэ чагъэ, шъхьэр мэузы,
Iэпкъ - лъэпкъыхэри къыпэзы.
Сыоубзэ, шъоубзэIэшIукIэ сыолъэIу:
«Сыпфай! АрыI!» - Iори о къысаIуи,
ИуIагъэ гум кIыжьынышъ,
Iэпкъ-лъэпкъыхэр зэпцIыжьынышъ,
Сшъхьэ Iэтыгъу, сызшIошIыжьэу,
Жьыкоренэу, жыбгъэ хьарзэу,
О уадыжьы сыкъэсын,
Сыуий - зэкIэ, къыосIон.