Мэфэ гучэфхэр къытэкIу,
Мэфэ гумэкIхэр тыгу екIу:
Арэу, ар гъашIэм щытыгъ,
Уахътэхэр аущтэу блэкIыгъ.
Мары мы мафэр сыгу рехьы, дэхэшху,
ЗэкIэ къыздэхъу сигугъухэр.
Мафэу сфэдэгъум сэ сырэгушху,
ПсынкIэу зэпэфэ сиIофхэр.
ЗэкIэ щэгугъу къэкIонэу мэфэшIур,
ЩыIэкIэ дахэр, дахэу зэфэшIур.
Ау загъорэ къиныри тадэжьы къэкIот,
Ащ тыфэмыеу тэ тIот.
ГумэкIыр къыпфакIомэ, угу умгъэкIод,
Ар пстэумэ къяхъулIэрэм фэд.
УикIуачIэ угъои о зэ зыIаж,
ТекIыт мэфэ шIуцIэр, ащ еж.
Къиным ыужы хъярыр къэкIот,
Джащ фэдэу щыIакIэри кIот.
Ащ еж утемыкIэу, ар къыбдэхъут-
ШIункIыр зыблэкIырэм, нэфыр къэшъыт.