Рик1 акъудна къалуриз жеч къеневай,
Ц1айдин ялав туьхуьриз жеч рик1евай....
Вуч тухузва и дунедлай, чилелай...
Килигда чун вири кьакьан синелай.
Амукьдайди чи арадин гьуьрмет я,
Ам са ч1ехи дагъ кьван еке къимет я.
- Ваз рик1 тирвал гуй, - лугьуда бубайри,-
Рик1 михьидаз экв къалурай балайри.
Ават1ани чун гьарма са шегьерда,
Кьил хуьзава чавай жедай тегьерда.
Руьгь ватанда, мез рахазва лезгидал,
Тербия гуз жуван рик1ин гуьзгуьдал.
Гюзеля Самурская