И кьадардин гуьзел рушар,
Хайид ят1а т1уьна ашар?
Малаикриз чебни ухшар,
Абур акун сувар тушни?
Тамаш чпиз гьикьван гьейран,
Лезги чилин ругуд жейран,
Чинар лацу, хъуькъвер яран,
Абур акун сувар тушни?
П1узар кьелеч1, седеф сарар,
Заз абурун чидач т1варар.
Лезгистандин экуьн ярар,
Абур акун сувар тушни?
Сидагет вах - ч1ехи шаир,
Гьам манийрин устад магьир,
Лезги халкь чи авур загьир,
Абур акун сувар тушни?
Сажидиназ - Ст1л шаир,
Са шад хьана, абат хийир!
Гьич рик1елай алат тийир,
Абур акун сувар тушни?