Гьикьван минет ийин за ваз?
Гьикьван дердер гуда на заз?
Эхиз тежер къелетар кьаз
Зи илгьам на кумир,зи яр.
Алакьзава залай вири,
Вун галачиз динж туш ери,
Касни авач заз валай гъейри,
Зун ялгъуздиз тамир,зи яр.
Са низ ятlан «чан» лугьуз на,
Залай гъейри на яр кьуна.
Зун дуьньядал ялгъуз туна,
Вун чарадаз фимир,зи яр.
Гьамиша заз къаргъиш ийиз,
Зи шад гуьгуьл бамиш ийиз,
Акурла зун къвал гана физ,
Чи муьгьуьббат хамир,зи яр.
Ви тарифар ийида за,
Ваз шиирар кхьида за,
Къизилгуьлер ваз гъида за
Гъейри яр на кьамир,зи яр.
Рагъ авай югъ я заз серин,
Кlанз амач дуьнья «ширин».
Чан аламаз сура дерин
Зун,Владик,твамир,зи яр.