Зи рик1 пашман хьайи чlавуз,
Чlугвада за вун зи хуруз.
Вахъ галаз са мани лугьуз,
Заз лап кlани кар я, чуьнгуьр.
Атайла ви ван япариз,
Шад жеда, пагь, чи рушариз.
Килиг садра куьн тупlариз,
Билбилдиз ухшар я чуьнгуьр.
Буш тахьурай гьич ви симер,
Пехил тахьуй къунши эллер
Гурлу ийиз мелни мехъер,
Чаз гьар югъ сувар я,чуьнгуьр.
Кьуд патахъди чук1уриз ван,
Манидал гъиз зи ширин чан...
Симер алай ви нехиш тан,
Ашукьрин сардар я, чуьнгуьр.
"Билбил " ктабдай.