Гъил эцигна жуван пелел,
Зун фикирри тухванвай..
Акуна заз къвед са хилел,
Гьакьван иер ксанвай.
За явашдиз кьуна а къвед,
Жуван рик\ив агудна.
Бахтлу жеда,лугьуз,чун кьвед,
Ам ахварай авудна.
Килигна ам заз милаим
Дикъетдалди мукьвалай,
Хабар кьуна:Вучиз на зун
Вегьена лагь ахварай?!
Сесиналди жуван назик
Жаваб гана за адаз:
-К\ан хьанач вун кьисмет хьана,
Зун амаз са чарадаз.
-Багъишламиш вуна заз,руш,
Завай бахтлу жедач вун.
Вун я инсан,зунни я къвед,
Са гафунал къведач чун.
Ик\ лагьана ,катна зи къвед,
Даим ялгъуз тунва зун.
Мад хьанач хьи садакай кьвед...
Мад хиялри кьунва зун..