Гатфарин йиф.Хкатна марф.
Къанва гьава, кутаз зурзун.
Къуьнерилай вегьена шарф,
Ахвар квахьна, къекъвезва зун.
Вацран мич1ер.Аквазвач зат1.
Атирдин ни ийизва гьисс.
Апрелд эхир.Гьаданд я хат1,
Геж атана ц1инин и йис.
Хъуьт1уь къалаз вичин гьайбат,
Гежералди къурна живер,
Вахкун тийиз сак1ан нубат
Къаюв гана машмаш цуьквер.
Вири к1вахьнач, авур дурум
Са паюни кьунва емиш,
Тавурт1а мад къаю зулум,
Кьве вацралай жеда дигмиш.
Ик1, гатфари "регъуьз-кич1ез"
Гьална варцар.Амазма май,
Чаз гъуцари язух текъвез,
Ракъурзава югъ рагъ, югъ къай.
Гъуцар,рагъ, варз,гъетер к1ват1ал,
Ризкьидикай ат1умир пай,
Гунагьарин шеле к1улал
Алайбурун жемир, ша, тай!
Уьмуьрар чахъ амач яргъи,
Секинсузди я яшайиш,
Чилер, цавар жемир аси,
Чаз гунагьар ая багъиш!
25.04.14