Заз чир жезвач мана руш ви гафарин,
Кьадач зун я ахъайдач ви гъилери.
Ви амалри хазва тахт зи гатфарин,
Амма заз яр лугьузва ви вилери.
Зун ахварал гьич физвач яр йифериз,
Заз чизва хьи ви рик1ни бес ксанвач.
Кич1е жемир заз гуьгъуьнал эвериз,
Ашкъидикай мензилди пай ат1анвач.
Амма рик1е ц1ай твазва и мензилди,
Вун такурла дуьньядин дад ширин туш.
Жаваб це яр, вуч авурай жегьилди,
Зи шадвилин гьил кьуразва, дерин туш.
Ви мециз заз салам гуз к1ан хьайила,
П1узарикай жезва адаз ракьарар.
Ашкъиди рик1, ц1аю чуьл хьиз кайила,
Хъут1уьхъай заз ахквазмач мад гатфарар.
Заз чир жезвач мана руш ви гафарин,
Кьадач зун я ахъайдач ви гъилери.
Мугьман я зун ви гьар йифен ахварин,
Туширт1а, вун кудачир гьич дердери.