Фикирзава за ацукьна
Вучиз фитне гва инсанрив,
Жаваб амачиз амукьна
Ац|анва хуьр фитнечийрив
Ван атай гаф туьк|уьр хъийиз
Маса жуьре лугьуз куьне,
Кар гьик| хьанат|а тийижиз
Ванер твазва куьне хуьре
Хуьруьн папар хьрак къведа
Фитне ийиз гьар садакай,
Ван ацалтна хъуьрез жеда
Регъуь тежез итимрикай
Фитне гвай кас хуьх ви рик|ел:
Аллагьди ваз балай гуда,
Жеда ахпа ишез месел
Яргъи тир мез куьруь жеда
Ийиз тахьуй дак|ан крар
Фитнедив куь рик| ац|урмир,
Бахш ая чаз хъсан крар
Дуьз рекьелай куьн алудмир.
Саира Сефибекова