Хьай сий 1а доадой- дезалий сий ма дой!
Дезалий сий доадой-къаман сий ма дой!
Нийсархошт юкъе ала хьай дош деций-
Халахь , ва г1алг1а, хье къонах воацийл!
Аьнна дош лорде хьа къонахчул деций,
Боакхий нах ларха эхь-бехк хьуц деций,
Лоалахой ца лоархаж эсала ваьнвале-
Халахь, ва г1алг1а, хье къонах воацийл!
Хьай къаман йижарий сий деш хьо веций,
Тешаме новкъост доттаг1а хьо веций,
Камярша бусулба дог гойтаж хьо веций-
Халахь, ва г1алг1а, хье къонах воацийл!
Хьаша на1арт1а вита хьо парг1ат ваьнвале,
Бу берий дог хьаст иман хьуца деций,
Тязет юрта доллашехь ловзарг хьо вале-
Халахь, ва г1алг1а,хье къонах воацийл!
Мецвелча сатох денал хьа деций,
Дуненчур боахамах курало 1ехавой,
Ноанахой, устц1ей хьо лоархаш веций-
Халахь,ва г1алг1а , хьо къонах воацийл!
Хьай къамах дог лазаш низкъ хьуна ханбалий,
Даймехкан сий де яхь йоацаш ханвале,
Даь, наьна дог хьесташ б1аргех хий дяндеций-
Халахь, ва г1алг1а , хьо къонах воацийл!