Дигайли игуси жагьси уркIира,
Жагати хIулбала пашманси хIерра.
Урши, дила хIуни аргъес хIейубри,
Гьанна цундешлизир калунра нура.
УркIила цундешли гIязабруркIулра,
ХIела сипатли ну ясирруцилра.
ХIечила хъумартес хIерирус нуни,
Хъумартес берхIила шала риасра.
УрхIла мас сайри хIу гьанна, ахIерси.
Халаси бунагь саб хIеррикIес хIечи.
ТиладирикIулра хIези ну гьанна,
ГIяйиб мабирид дила дигайличи...