***

Руш, ви суьрет карагиз зи вилеркай,
Вун рагъ яни агат тежер мукьувди?
Ви муьгьуьббат акъатзавач рик1яй зи,
Къакъатдач гьич ат1айт1ани як1увди.

Ви рац1амар, чубарукдин лувар хьиз,
Лув гуз цавуз гьазур хьана аквазва.
Катран вилер-муьгьуьббатдин ц1елхемар
Хьелер хьана къвез зи рик1е акьазва.

Кьисметдилай эляч1 жедач завай, руш,
Зи муьгьуьббат вун паталди хуьзва за.
Вавди рахун багьа я заз, я лап хуш,
Т1вар кьазвач за, амма шиир кхьизва.
                1970 йис