***

Вун галачир женнетни заз герек туш,
Герек туш заз девлетар и чилерин.
Зуьгьре гъетрен нурарни заз герек туш,
Авачирла мили хъвер ви вилерин.

Вун патав гвай, мекьи кьуьд заз гатфар тир,
Алгъишнавай хважамжандин нурари.
Ак1 тир хьи заз, на лугьуди, ахвар тир...
Мягькем кьунвай чун ашкъидин лувари!

Авачт1ани вун шегьерда, алатна,
Зун къекъвезва вахъ рушарин арада.
Ак1 я рик1из: вун зи вилик акъатда,
-Зи азизди!-лугьуз, шел кваз, рахада.

Ша, зи гатфар,ша гьахьа зи хуруда,
Тамир на зи ялавлу рик1 дарих яз.
Ви шекер квай п1узарар зав агуда-
Ашкъид шараб хъваз к1ан я заз къаних яз!