Гьикьван, вуна лагьай гафар заз
Чанда пехъи дердер туна за эхда
Рекьиз кlан вилел нагъв алаз
Яд амачир балугъ хьтин къерехда
Гафар лугьуз,фикир тагуз патахъай
Вучиз вуна зи рикl икьван тlарзава?
Ширин мецел рахаз вун масадкай
Зи муьгьубаттдин кьимет вуч я Кlаниди?
Гагь вун шириндиз рахаз гагьни хъел
Ахвар текъвез зун алай месел
Ви тlуькьуьл гафар хквез рикlел
Вучиз вуна и йикъал гьанва Кlаниди?
Вун акурла а сифте сефер заз
Заз акl хьанай вун заз гайи бегьер хьиз
Гьар йикъуз ви мецелни цlай алаз
Дакlан жез ава вун туькьуьл зегьер хьиз
Ви иервилиз кьимет ганай за
Заз чизвачир ви къеневай гьалдикай
Къен ацlана ви агъудив алахьза
Хабар яхъа зи чандикай Кlаниди
Вун акун кlан я гьар касдин арада
Ширин пlузарал ви хъвер алаз
Зи гафарни тумир вуна харада
Мадинадин рикl кузва вахъ Кlаниди