Чан диде

         

Яхъ вуна зун мад къужахда, аял хьиз,
Кьил эцигин ви метерал, чан диде,
Хкин рикIел  фейи йисар, хиял хьиз,
Атурай заз мад ви ширин ван, диде…

Лагь вуна заз  баядар, гьа эвел хьиз,
Са легьзеда байихун жув кьепIина,
Давамра на къваз тавуна эчягъиз,
ГьатайтIани зун тангарин епина.

ГьикI хвешидай, зун мектебдиз фид чIавуз,
Сифте-сифте  дафтар-ктаб гъилеваз.
Дамахдай на, заз килигиз, гьар юкъуз
Хкведайла зун чирвилер кьилеваз...

Лугьудай  на, фимир кьвалин кикерик,
Хуьдай на зун къадайрикай  икI, диде,
Хкведалди недай хьи ви рикIи рикI,
Зун са патахъ фейи чIавуз гьикI, диде...

Вахт  атана, зун кIваливай къакъатна,
Девирди зун  валай яргъаз акъудна,
Четин чIавуз хиялрай вав агатна,
Кьисметдивай за жуван пай къакъудна.

Ингье, хьанва зи уьмуьрдин зур гила,
Йисар физва, кьили къирав кьаз, диде,
Мукьвал жезва яваш-яваш сур гила,               
На зегьметар гьалал ая заз, диде….

 Видеоклип на это стихотворение https://www.youtube.com/watch?v=QVzRsoJHdgs&t=19s