Пеўнік-кукарэкайла
Дрэмле на седале,
І курачка беленькая
Не варухне вейкамі.
Кураняты-ціўкачы
Бачаць сон другі.
Ну а дзеці
Бачаць трэці.
Ліхтар залацісты
Шле ў ноч праменне,
Разганяе паціху
Ночы сутарэнне.
Месяц качаецца
На воблаках-арэлях.
Ён не сумняваецца,
Што дзеці ў пасцелях.
Ночка для адпачынку,
Мой ты сынку,
Для адпачынку ночка,
Мая ты дочка.
Убачыш у сне,дачка,
Зайчыка-шарачка,
Убачыш, сынку,
Цацку-машынку.
Дзеткам - булку-пляцку
І юлу-цацку.
Мішка лапу смокча,
Спаць даўно ён хоча.
Усе галубы-гулі
Даўно паснулі,
Спі,галубочак,
Мой ты сыночак.
Зоркі-сяброўкі
Нахілілі галоўкі,
Шэпчуць на вушка:
Спі,мая дачушка.
На ўсім белым свеце
Паснулі дзеці.
Хочаце верце,
хочаце праверце.