На нараджэнне Хрыстова
Радуйся свет, нарадзілася тое ягня,
якое шпурнуць ваўкам з валасатымі сэрцамі!
Кроўю нявіннага паспрабавалі сцерці звярыны выскал
з твару таго, хто быў створаны
па падабенстве Божым.
Сплыла дзьве тысячы год і люстэркі гавораць,
што спроба была няўдалай.
Словам, табе заўжды падабаліся ванны з гарачай крыві.
І да архангелавых труб, здаецца, яшчэ так далёка.
Можа, ва Ўсявышняга знойдзецца яшчэ адзін сын?