Са бязи тир свасни къари туьк|уьзвач,
Сусаризни къарияр гьич к|анзавач,
Къал акъатна руш хъфизва гъуьлуькай,
Лугьузва:зун куьц|енвай зи къаридкай
Са къарияр лап туькьуьлбур жезва хьи,
Ахьтинбурун сусари бес эхзва хьи,
Фенва руш вун к|ан хьана хьиз адан хва
Гила вуна кьамир жуван кьил цава
Са къарийриз авазва лап мез ширин,
Адан сусаз гьич аквадач югъ серин,
Руш хьиз к|ан хьун виридалай алакьдач,
Ахьтин къари сусан рик|яй акъатдач
Исятда пагь сусарик ква лап дамах,
Чидач лугьуз ганамазди са к|валах,
Мугьманарни чай тагана рахкурза,
Акьулсузвал вирибуруз къалурза
Къал тахьурай гьич саданни к|валера,
Михьи ният хьурай гьардан рик|ера,
Къаридизни ая гьуьрмет гьамиша,
Сусар куьне къарияр к|ус саймиша...