Зи хиялар ,зи фикирар ваз чизва,
Вуна лагьай гьар са к|валах ийизва,
К|анибуруз вири рушар пагь физва
Зунни вуна зи к|анидаз це диде
Гъвеч|и ч|авуз хвена вуна гъилерал,
Гила вуна гъимир накъвар вилерал,
Яр галачир уьмуьр к|ан туш чилерал,
Язух ша зи ,кумир вуна чан диде
Хъуьрезва зун,амма зи рик| ишезва,
Сефил вилер анжах ярдихъ къекъвезва,
Масадан т|вар кьамир рик|из т|ар жезва,
Зи к|анидаз вуна эхь лагь чан диде
За зи патав гьич са касни агуддач,
Ягъазва зун, чун Аллагьди къакъуддач,
Азиз диде ,ам за рик|яй акъуддач,
Масабур на заз къалурмир ,чан диде
Ам рик|еваз зун масадаз фидай(ди) туш,
Гъейрид рик|из гьич садрани жедач хуш,
Адан гафар, эхтилатар я заз нуш
Шадар вуна сефил рик|из чан диде,
Минет я ваз зун к|анидаз це диде...