И мукьвара къведа зун куь сурарал,
Куьн чида заз анжах бубад гафарал,
Авахьзава туькьуьл накъвар чарарал,
Пак Халикьди куьз абур фад вахчуна,
Куьз вахчуна,зи вилериз такуна?
Ч|ехи буба шикилрай заз акуна,
Хизан патал ада зегьмет ч|угуна,
Рик| пад жезва ,дарих жезва такуна,
ПАк Халикьди куьз абур фад вахчуна,
Куьз вахчуна ,зи вилериз такуна?
Заз бадедин лай-лайрин ван атанач,
Мет|ел кьуна, ширин мецел раханач,
Йифериз заз хъсан махар лагьанач,
Пак Халикьди куьз абур фад вахчуна,
Куьз вахчуна ,зи вилериз такуна?
К!андай хьи заз ,исятда куьн къвалав гваз,
Гьар къузни ваъ,садра кьванни куьн акваз,
Гьайиф -гьайиф жезвач завай квев рахаз,
Пак Халикьди куьз абур фад вахчуна,
Куьз вахчуна ,зи вилериз такуна?
Ч|ехи Буба ва баде куь хтулар
Эвленмишна,хьанава квез птулар,
Цаварилай аквада квез штулар,
Пак Халикьди куьз абур фад вахчуна,
Куьз вахчуна, зи вилериз такуна?
Акуначт|ан(и) рик|ева куьн гьамиша,
Буба-баде чан аламаз саймиша...