К! анзава заз..

К|анзава заз ви уьмуьрда са рагъ жез
Чим гудайвал гьамиша ваз к|аниди,
К|анзава заз ви уьмуьрда са багъ жез
Гудайвал ваз ширин емиш азизди

К|анзава заз сятералди вав рахаз
Жедайвал ви гуьгьуьл хкаж к|аниди,
К|анзава заз гьамиша яр ви гъил кьаз
Къведайвал ваз зи рик!ин ван азизди

К!анзава заз чун гьамиша сад хьана
Къакъат тийиз, хъуьрез-шаддиз ,к|аниди,
К|анзава заз чун гьамиша шад хьана
Пер хадайвал чи душманрин ,азизди

К!анзава заз, зун дидеди ваз гана
Шад жедайвал пашман рик|из,к!аниди,
К|анзава заз, гъвеч|и хваяр чаз хьана
Гьа ви иер вилер авай, азизди

К|анзава заз, к|анзава заз са вун яр
Зи вилерин экв я вун чан к|аниди,
К!анзавани,к|анзавани ваз зун яр
Таб тавуна жаваб це заз азизди..