Дигахъисра нам бурес,
Нешла мезис ахъука,
ХIадаладкIан нешла мез,
ХIялая кьацI мамука.
АхIарил нешла мезли,
Биркур гьарил гъай укIас.
Дагьува хIа мез; кьацIли,
УргIул кайъэ хIу укас.
Нешла ниъли ухъува,
Мез дехIте хъумартале,
УрхIла мезли; искьува,
Гьарбари гъай укIале...
Их балбиркуй зат хIина,
ХIатI хIялал ниъ хIадурар.
Нешла мезли гъай укIан,
ХIурмат хIа цIакьле бурар.