Мирхъила варъа берколе адамли,
Дахъол журала изнас дарман бурар.
Уршила уркIи бицIале дигили,
Дигила дарман баргес гьаман умцIар.
ЦIали бигубил дяхъи дахъ ламбукIар,
АрахIабурар жявле цIала дяхъи.
Дигуй кераъэс уркIи гьалакбукIар,
ХIу аголе уркIилике леб тIярхъи.
Шила жегодеш кебаъэс дигале,
Бухъянил дубулике биркур эрхос.
ХIу мякьизе дия ругьхIаругьале,
УрхIаврусра хIялая азихъ беркос.
Дузизела цIадега цIакьбугьале,
Дергъубил хIинте-зурхIя дузра игор.
"Мякьла хIякьяс, гьарахъле руус але",
Жагьил чархикела диъла кам икIор.