ХIяракьила шишалис,
ГIямру пешкеш дириду?
Держ дигахъуй конилис,
ГIядлу бирхIабириду?
ХIяйт-гьуйт, арадеш иле,
Бари игъид ужуле.
БерхIахъ хъули вакIиле,
Каръуд гъубза угьуле.
Хьунуйс гъубза угьуле,
ДурхIне урух бариле,
Бари игъид усуле,
БекI изулебар иле.
Пякьир "похмелье" иле,
ГьатIира ужес аркьян.
Рахле айихъ хIавгьуле
ЭбкIале цIалзе аркьян.
Держла дахъол узбе леб,
Кабиъиле барх бужуй.
Рахле баллагь бакIале,
ХIина хIа баллагь уржуй.
Гьей бусурман халике,
Лагъ урмавру шишалис,
Икиле хIу хъилике,
Тавба укIан Аллагьис.