Модны каталог гартаю
І прычоскі разглядаю.
На старонках шмат красунь
І ўсе раяць мне шампунь.
У краму хутка заглянула
На шампуня кошт зірнула -
Вочы круглыя зрабіла
... І нічога не купіла.
Што ж рабіць? І як тут быць?
Трэба мне шампунь здабыць.
Усё змагу дзеля красы -
Мець бы цуда - валасы!
Слёзы горкія глытаю,
Да бабулі прыбягаю,
А яна не грошы мне,
А рэцэптаў шмат дае.
Пазбавіць валасы ад лоя
Паможа свежы сок алоя.
А зробіць мяккімі, як пух
Усім вядомы нам лапух.
Палечыць валасы ад ломак
Звычайны палявы рамонак,
А цмянасць выведзе нанет
Любімы наш ліповы цвет.
А крапіва - найлепшы сродак
І для дзяўчат, і для малодак,
Каб перхаць з галавы прагнаць,
І гладкасць валасам надаць.
Не будзе валасам пагрозы,
Калі ўзяць лісты бярозы,
Адварам вымыць валасы,
Не страцяць больш яны красы.
І з той пары заўжды раблю я,
Як падказала мне бабуля.
Прычоскай моднаю хвалюся,
А зёлкам - кветкам... пакланюся!
(Рецепты не выдуманы)