Ахтардира хIайкиле,
Нуни диги дихьилри,
Кьункьубаке икиле,
ХIа у тикрарбирулри...
Ну усес калхьуй буруш,
Миъана бяргIилебар...
Дигахъуй миръил гьаруш,
Гьанна цIякьдугьуледар...
Усес гьантI лебкьхIакьуле,
Дурайкира бартике,
ГъайдукIиб закла уръэ:
"ТIар мавкIуда инике".
Уръаке гьимергува,
Хьарбагъира дубулзе,
"Диги дуъар атIува,
Риркурара их намзе?..."
Дубуртли тIама дариб:
"Хъали хIабурар" иле,
Бергъо гонза гъайбукIиб:
"Дигуй лев цархIил" иле.
УркIи гьизе абхьиша,
МягIна гьини иргъува?
Цегъун амал бариша,
Руъар иши ватува...
ХIя чирагъ бицIуй ана,
УркIи бицIуле буъар...
Умут бердира гьанна,
Дигуй амру хIарурар.