Не пусцi...
Не пусцi мяне, горад,
У чужую краiну,
Там нi горы, нi мора
Не заменяць айчыну.
Не пускай мяне, родны,
На вакзал па бiлеты,
Мы i тут з табой годна
Правядзем наша лета.
Затрымай хоць да святаў,
Лепш да Дня Перамогi,
Мо заблытае нехта
Мае планы-дарогi.
Засланi мяне, дружа,
Лiўнем сумным i сонным,
Разлiлiся каб лужы,
Прараслi парасоны.
Асляпi мае вочы
Снегам белым, маланкай,
Зарападам уночы,
Я ж твая- гаражанка.
Ах, чаму закрываеш
Ты чырвонае вока,
А зялёным мiльгаеш,
Адпускаеш i легка?
Паiграў у маўчанку-
Я ж сумненнямi поўна,
Я твая, лунiнчанка,
А табе ўсё роўна.
Адпускаеш, нястрогi-
Нi iльвоў, нi ваўчыцы,
Зебры спяць па дарогах
I цягнiк мой iмчыцца...
© Copyright:
Ольга Жогло, 2015
Свидетельство о публикации №115033008627