МухIли мурибарили
Бука шоколад-кампет,
Ахир замана сабли
Дурабикиб интернет.
Арц агара бикIалра
Интернет гьанни дургу,
КьацIлис арц хIедиалра
Безлимиткалис лергу
ВиштIал-халал хIеили
Саби интернетлизиб,
Инстаграм-вацап или
БархIи ихъу илдазиб.
ХIябра муридиубли
Лер "вконтакте" ва "фейсбук",
Нешра рирар рургъули:
"Бати интернет, дундук".
Интернет балтав гьатIи
Одноклассниклавсини?
Иларти хабуртани
ТIимкьливан уцибсини?
Чили се кабатурлил
ХIердиру кьиматуни,
Чичила се лукIулил
ДучIа лерил белкIани.
БакIили интернетли
Къагъдариб бахъла бурги,
Маллубанира балли
Иларцун дучIа балгни.