Дихая нам хIяракьи,
Ца истакан бержиша.
Дия уркIила гъяйгъи,
Гьизе нуни аржиша?
Бержува ца истакан,
Аман, ну кепугьиша.
БекIла гъяйгъилизакан,
Камил эркин угьиша.
Кепле хIуни кейъиле,
Дике гIяйп хIабариши.
Гъяйгъи дия аргъиле,
Мадар дия багьиши.
Вай-вай аман, вай аман,
Гьанна нуни цебарша.
ГIямру дугьуббес таман,
Цегъун амал бариша?!
УркIилизела гъяйгъи,
ХIушазе аргъахъишав?
Ин алкач цайи бяйгъи
Иле, халь букIахъишав?!
Аллагьли гибил кьадар,
Сабур нуни бариша.
УнгъбурхIабурар мадар,
ХIяракьили хIавжиша.