БучIасра нуни далай,
ТIама зайбикIахъули.
ХIу дунъяличир лерай –
Хъумартес вирхIейрули.
Припев
Шяв хIулби шаладара,
ХIелацун ветаахъа.
Хумар уркIи шадбара
ТалихIра чебаахъа.
Ванаирули
АхIен берхIили.
Ил секIал багьи –
Дигуси, хIуни
Ванза забличи кьяйда
Ну левра хIечи хIерли.
Биэсара се пайда
Дила язихъ уркIилис?!
Гьар замана саб пикри,
ХIу дила ретаахъес.
Улгулра Аллагьлизи,
Ил кьяйда бетаахъес.