Гъилер кьуна санал къекъвей гуьнеяр
Зи фикирдай са чlавузни акъатдач.
Куь эвезда акьван ширин легьзеяр!
Абурун чим завай ерли къакъатдач.
Акъудайтlан зун яргъариз кьисметди,
Зи цуьк,за вал бедвилин къен вегьедач.
Акl хьайитlа куда зун зиллетди,
Ашкъидикай мелгьемдин гъвел жагъидач.
Вунни гьатмир терс фитнедин гьалкъада,
Чи рехъ атlуз,валлагь,зегьем жеда чаз.
Цуькверикай кlунчlар за ваз храда,
Вафалувал рикlин мелгьем жеда чаз.
Владика ваз субутда кlанивал.
Пис хиялар гъимир ерли кьилизни.
Яшамишрай кlанивилин михьивал!
Муьгьуьббат таж хьурай вири чилизни!