Хъубеш неш.
Вагь хIу нагIялатли рахъ,
Дия уршила хьунул…
ЦIяб дуги хIа хъайзакан,
Бура це цабри итI гул?
Нуса.
Це эс хIатI дигахъида,
Бура намзе хъубеш неш?
Гъай гарчмадукIахъида,
Цегъун леба хIа шакдеш?
Хъубеш неш.
Вагь хIу нагIялатли рахъ,
Дия уршила хьунул…
ХIа унза кьяпIле лебри,
Чин леври ита муръул?
Нуса.
Це эс хIатI дигахъида,
Бура намзе хъубеш неш?
Унза демъале цабри,
ХIабакIесана дягIдеш.
Хъубеш неш.
Вагь хIу нагIялатли рахъ,
Дия уршила хьунул…
Дуги хIа бурушизе,
Левричи цархIил муръул…
Нуса.
Це эс хIатI дигахъида,
Бура намзе хъубеш неш?
Чин муръул ита леври,
Це цаба ин хIа шакдеш?...
Хъубеш неш.
ДухIна муръул ихьиле,
Унза лебри демъале…
Нуни хьарбагъибхIале,
ДягIрукIулра рукIуле…
Вай-гьуя шила шанте,
Ши бицIибил адамле…
Мурругьес хIарурусра,
Иш къанчихъ нусалике.