Мадни гуьрчег аквада вун,
Алукьнамазди очкияр!
Вал рик1ивай ашукь я зун,
Анжах вун я зи к1ани яр.
Зи къаршидиз атайла вун
Пагь, шад жеда хьи рик1из зи.
Гагь хъвер ийиз рахайла вун
Пул атай хьиз жед гъилиз зи.
Завди рахух, мийир на хъел
Вил гала зи ви суьретдихъ.
Зи дердерал хъивегьмир кьел
Дегиш жеч вун гьич девлетдихъ.
Зи гьарайдиз на "гьай" тагуз
За ваз авур кар хьанани?
Тахьайт1а зи гафарикай
Я руш,ви рик1 т1ар хьанани?
Хъел ийимир, хъел ийимир
Зун дердерин рекьел гъимир.