***

Къвез хьайила кас ви хуруз
Ви вилик Шагь Дагъ жеда зун.
Ваз шиирар кlелай чlавуз
ВАЛЛАГЬ, бирдан сагъ жеда зун.

Вуна чарар кхьиз хьухь заз
Ви чарарал вил ала зи.
Зун атайла варцел акъваз
Ви акунрихъ вил гала зи.

Фитнечийриз яб гумир на
Фитнед Лейли кайиди я.
Фитнедив жув вугумир на
Межнун чандив гъайиди я.

Пак муьгьуьббат тухуз жедач
Къати Самур вацlувайни.
Пак муьгьуьббат къачуз жедач
Дуьнья ацlай пулувайни.

Чи рикIера ихьтин ашкъи
Хьун зи эвел эрзиман я.
И дуьньядал багьади
Диде, кlани руш,  Ватан я.