Сифте шиир кхьей йикъан экуьнахъ
За яд хъвана Сулейманан булахдай.
Ирид кlунчl къизилгуьлер кlанидаз
Атlана за Алирзадин яйлахдай.
Сулейманан нефес авай шиирар
Кьепlин кlане кlелдай заз зи Дидеди.
Вичиз гьикlа акунайтlа Алирза
Акъайдай заз зи Рабият Бадеди.
Сулейманни Алирза заз вири я
Зун шииррин паклу рекьел гъайибур!
Заз чида хьи алачирди чилерал.
Куь шиирар кlелунвай тух хьайибур.