Варухла тям-тям дяхъиле вашира,
ГалхIадизакан ахIле ну кайкира…
Дигили бицIибил дия уркIира,
АхIарил, хIазе ахIле гьаргбирира.
Чагъдулала шурмаке лагиркира,
Къадала шимакера тIарукIира…
ХIакела дихьибил дия дигира,
Тазай гьавалзе ахIле дирхъахъира.
Ванашла хIаркIизе кьяшме ицIира,
Ялдариле ити дура иркира…
ДуцилекIан иле диги хIагълира,
ХIаркIизе ихтира таза дирира.
Диги ахIте хIина букIуй аргъира,
Дигили игутера кебаъира…
Амма дигили ну кьацIра хIарира,
ХIу лерхIале хIазакан хIулукIира.