Алукьайла гатун йикъар акатда зак къал
Фад акваз к1анз гъвеч1и ч1авуз чимивал гай к1вал
Къалабулух жеда рик1ик хъифидай къалди.
Залай вилик хутахда руьгь,лувар квай гьалди.
Хъифизва зун къе ватандиз ,акатна лувар
Ачух я заз вири рекьер ,гьак1 чил,гьак1 цавар.
Няналди зун жеда к1вале ,рехъ ят1ан яргъал.
Зин багърияр ацукьнава вилер алаз зал.
Акъвазнавай са халади рекьел вил алаз
Вичин гъилералди чрай фу теклифнай заз
Лезги чилин т1егьам галай,чими хьран фу.
Гъилер сагъ хьурай ам чрай,ваз къурбанд хьуй зу.
Гьуьрмет я ваз лезги хала,гице зав вин гъил
Ваз чир хьанай а фахъ гзаф хьанвайди зин вил.
Ватандин йад,ватандин кьел,гъилерин зегьмет.
Терез авач вин гьуьрметдиз гуз жедай къимет.