Цаби лебилра гIялам,
Вацапизе бярхиле,
ЦIакьле урус ну хIяйран,
Иха дуруй аргъиле…
Дигале дийс ахъука,
Дигахъале хIярамис…
-«ОйтI рашар итI гьуйзака,
Цегъун бугьеса ихис»…
Шила иш хъализакан,
Итил хъализе бигъур,
Чува лукIуй гъайзакан,
ХIяхIяличу кабиръур.
ОйтI изуле цай букIар,
Иш эбкIилевар букIар,
УркIилис дигуй сурат,
Вацапизе жирбукIар.
Ойтила бякьирияв,
Цалис ца дигуй букIар,
Охтила багьуррияв,
ДикIбиркуй хабар букIар…
Гъай думжахъу гьатIира:
«Ишхъуна дарги диги,
Буиле даргурбера
КьячIа бухъянил туфли»…
ХIяйранил суратмера,
Пашман-шартI видеора,
ТIарбукIар-хIихIибукIар,
Я гьуя-гьарай букIар…
Дуги-хIари хIаиле,
ДуцIрум-эни хIаиле,
Лебил дунъяла гIялам,
Вацапизе бярхиле.