Урк1и-х1яйзиб к1ант1алра
Х1егъла х1ерзи агарти,
Бахъкабааб вик1улра
Иш Ват1айзиб адамти.
Талих1ли лаймабак1аб
Х1яяличи г1яшикьти,
Шаладик1аб гьар дуги
Илдас лерил зубарти.
Дааба мурадличи,
Г1ях1ла хабар биханти,
Арали датабая,
Мар анк1или делг1анти.
Х1ушара дерхъабая,
Г1ях1лачи даим х1ерти,
Гьарахъли арцабая,
Г1ямру жагадиранти.
Шалдаван пархдик1аба,
Шилтахъ-къяна агарти,
Итиллис г1ях1 биалли,
Урк1би разидиранти.
Дургъбала муръа-бялг1я
Диъмадиаб х1ушачир,
Бац-берх1и шаладик1аб
Даим х1ушала чедир.
Х1ушаб даим улгули,
Адамти,х1ерирулра,
Г1ях1 бирулицун калес
Гьат1ира хъя бирулра